今日....好可能係本年度我o係瑪中最後一日做prefect
話說之前羅頭同我講開,, 話考試期間
唔洗咁多人幫手,, 再加上我地考試期間又唔會捉人
到一月果陣時,, 可能都唔洗再當值Lu...
簡單d講,, 我可能就o係無人知o既情況下退左休= =

不經不覺,, 咁又做左年半prefect咁滯....
其實我自己諗番都覺幾好笑,, 以前果個只會令prefect頭都大哂
甚至係俾羅頭(無記錯好似係佢)逗過o既一個學生
竟然會變成一個head prefect= =
我自己都覺幾諷刺....
人生就係咁嫁啦,, 今日你係賊,, 第二日可能你係兵....

P.S. 大家覺唔覺呢2個禮拜都無捉人落樓下覆檢呢??
Ms.井呢幾日都病左,, 希望佢快d好番啦
(放心,, 考試期間唔洗覆檢= =)

不經不覺,, 牛頭角下邨已經40多年
由40年前,, 剛剛新起好,, 一大批素未謀面的居民遷入
到了今天,, 大家都變成街坊,, 守望相助
可是.....下邨已到了清柝的一天....
近日已見到牛下部分地方被圍板/鐵絲網圍上
晚上只剩下數單位仍然著燈,, 十居九空
看來牛頭角下邨真的是時候要跟我們告別了....

在40年來,, 牛頭角下邨培育了一代又一代的人
陪伴著不少人渡過他們的童年
而我....由小到大也是與牛頭角下邨有著不可分離的關係....

首先,, 係人都知,, 我由細到大都係o係牛頭角讀書
而我小學就正正係位於下邨10座o既柏德小學
近日不斷回想起小學時o既生活,, 小學生活真係舒服好多
記得當年我地只係番半晝,, 放左學就可以四周圍玩
下邨的每一草一木都遍佈我地o既足跡....

下邨仲有一間十分出名o既茶餐廳——興記茶餐廳
琴日見電視都有訪問佢地
呢間餐廳我都食過無數次,, 野食幾好味
但係由於舖位問題,, 唔知幾時至再有機會見到佢地.....

近日行過新起o既牛頭角上邨,, 雖然話係由牛下居民遷徙過去
但始終無法搵到果種獨特o既人情味,, 最基本連茶餐廰也變了美心快餐......

時間始終會流逝,, 誰也無法控制
牛下只可以成為一段歷史,, 永遠留在我們心中

終於旅行完番到黎,, 講講呢2日行程先

一開始真係超黑仔囉,, 話說在下由尖沙咀碼頭轉天星小輪到中環碼頭集合
然後全班一齊搭船去梅窩
妖,, 尖咀狂窒車,, 搞到一落左天星小輪,, 啱啱好望到佢地隻船走.......
跟住唯有等下班船,, 仲要係特慢船,, 去到玩緊班會活動,, 都OK好玩o既....

Lunch,, 全班一齊食,, 順勢同我地班主任慶祝生日
食完入我地間度假屋,, 雖然係偏僻d,, 但係又幾靚bor....
真係"碧桂園,, 給你一個五星級的家" = =

then,, 沙灘玩遊戲,, 玩開口中,, 中左爆水蛋........個個都濕哂....
之後BBQ,, 全班一齊睇宮心計= =
楊怡好奸囉.......不過奸到又大快人心bor.....賢妃衰先,, 成日o係度串人宮婢出身

最精彩節目係.........打麻雀!!!!
超爽囉.....好耐無試過搵到4個人一齊打....
我由11點半打到3點半,, 一圈都未打完= =
連打4個鐘之下......我都頂唔順,, 瞓先....

第二朝,, 即係今朝....又開枱
打到12點準時交屋走人......跟住解散